ٽيڪنالوجي جوبادشاهه ڪير ٿيندو....؟ دنيا جي ٻن وڏين معشيتن ۾ سرد جنگ شروع

تحرير وقاص کوسو

دنيا جي ٻن وڏين معشيتن آمريڪا ۽ چين ۾ هاڻي هڪ نئين سرد جنگ شروع ڪئي وئي آهي، ٻئي ملڪ ان دوڙ ۾ شامل ٿي ويا آهن تہ ٽيڪنالوجي جي ميدان ۾ ڪير اڳيان آهي ۽ ڪير تيڪنالوجي جي دنيا جو بادشاهه آهي ان لڙائي ۾ هاڻي شدت اچي وئي آهي،ڪجهہ ڏينهن يا ڪجهہ هفتا اڳ چين جي ڪمپني هواوي(HUAWEI) جيڪا سڄي دنيا ۾ ٽيلي ڪام نيٽ ورڪنگ لاءِ پرزا ۽ سامان تيار ڪندي هئي ۽ اها دنيا جي وڏي ڪمپني هوندي هئي،ان ڪپمني وٽ سڄي دنيا مان G5 جا معاهدا هوندا هئا پر هاڻي پر هاڻي واشنگٽن پاران چين تي الزامن بعد ايران تي لڳل پابندي جي خلاف ورزي ۽ اولهہ جي حڪومتي آستن جي سسٽمز کي هيڪ ڪيو آهي ۽ هواوي ڪمپني تي آسٽريليا،نيوزيلينڊ ۽ آمريڪا جي مارڪيٽنگ ۾ پابندي لاڳائي وئي آهي ۽ خدشو آهي ته برطانيا ۽ ڪينيڊا به جلد هواوي تي اهڙي ئي پابندي لڳائي ڇڏيندا

آمريڪا جي انهن حرڪتن بعد ٽيڪنالوجي جي دنيا جو بادشاهه بنجڻ جا خواب ڏسندڙ چين کي لازمي طور نقصان پچهندو ۽ آمريڪا جو اهڙو قدم چين کي هڪ وڏو ڌڪ آهي،پر هوڏانهن جي جيڪڏهن بيجنگ جي ڳالهہ ڪريون ته اهو ان معاذ تي به آمريڪا سان وڙهڻ جي مود ۾ ڏسڻ م اچي رهيو آهي،ڇو ته واشنگٽن جي اهڙي حرڪت جي جواب ۾ چيني صارفين به ان حق ۾ ڏسڻ ۾ اچي رهيا آهن ته اهي به آمريڪي مصنوعات تي به پابندي لڳائي وڃي ۽ ان ڪم جي شروعات اپيل جي فونن ۽ ٽيبليٽس سان ڪئي وڃي .

هوڏانهن چيني ميڊيا اها ڳالهہ به لکيل نموني ڪرڻ لڳي آهي ته ڇا آمريڪا ڪٿي بغير اعلان جي جنگ ته شروع نه ڪري ڇڏي،معاملا ان وقت وڌيڪ خراب جڏهن ڪجهه ڏينهن اڳ ڪينيڊا ۾ هواوي جي چيف فنانشل آفيسر ۽ ڪمپني جي باني جي ڌي مينگ وانڙائو کي گرفتار ڪيو ويو هو

آمريڪا چاهي ٿو ته انهن کي سندن حوالي ڪيو وڃي ۽ اهو الزام لڳائي ٿو ته ان جي ڪپمني جا چيني حڪمرانن ۽ عملدارن سان ويجها تعلقات آهن ۽ هو ايران کي پابندين باوجود ٽيلي ڪام جون مصنوعات وڪڻي رهيا آهن، جيڪڏهن انهن تي الزام ثابت ٿي ويا ته پوءِ کين 30 سال جي سزا اچي سگهي ٿي.انهن جي گرفتارين پويان کڻي ڪهڙا به سبب هجن پر چين جا ماڻهن ان باري شديد خدشا رکن ٿا هو سڄي عمل کي هڪ شازش سمجهن ٿا

چيني اقتصادي ماهرن توڙي عام ماڻهن ۾ اهو چوٻول عام آهي ته موجوده حالتون ان ڳالهه جو اشارو آهن ته آمريڪا کليل هٺ ڌرمي تي لهي آيو آهي ۽ هن سرد جنگ شروع ڪري ڇڏي آهي.

ايشيا،يورپ ۽ آمريڪا ۾ به ٽيڪنالوجي جا ماهر انهن گرفتارين ۽ آمريڪي حرڪتن کي سرد جنگ سمجهن ٿا هو چون ٿا ته هن وقت چين ۽ آمريڪا ۾ اها جنگ هلي رهي آهي ته ايندڙ ڏهاڪي ۾ ٽيڪنالوجي جي دنيا تي راڄ ڪير ڪندو ۽ ڪير ٽيڪنالوجي جو راجا ٿيندو ڇو ته ڪينينڊا ۾ گرفتار ٿيل مينگ وانڙائو آمريڪا جي الزامن کي رد ڪري  چڪو آهي،اها ان ڳالهه جي نشاندهي آهي ته واشنگٽن ۽ بيجنگ جي وچ ۾ جاري تجارتي جنگ وڌندي پئي وڃي.

چين اقتصادي ماهرن جو چوڻ آهي ته آمريڪا جا جن ملڪن سان سيڪيورٽي معاملن جي ڪري رابطا آهن آمريڪا انهن ملڪن تي زور ڀري رهيو آهي ته پنهنجي ٽيلي ڪام مصنوعات جي وڪرو ۽ انٽرنيٽ جي ورڪس جي لاءِ هواوي جي مصنوعات ۽ اوزارن تي پابندي لڳائڻ لاءِ زور ڀري رهيو آهي.

هوڏانهن جيڪڏهن پاڻ هواوي جي ڳالهه ڪريون ته هتي اسان وٽ هواوي جا موبائيل،روٽرز ۽ ٻيون مصنوعات مارڪيٽ ۾ عام جام ملن ٿيون پر دنيا ۾ اها ڪمپني آمريڪا ۽ چين جي سرد جنگ جي ڪري مشڪوڪ بڻجي وئي آهي.